❤️श्री राधा वृन्दावनबिहारी❤️

प्रथम विलास कियौ श्यामाजू, कीनौ बिपिन बिहारजू । उनके बिधकी शोभा बरनों, कहत न आवै पारजू ।। 1 ।। बाके यूथकी गणना नाहीं, निर्गुण भक्त कहावें । ताकी संख्या कहत न आवै, शेषहू पार न पावें ।। 2 ।। घोषघोष प्रति गलिनगलिन प्रति, रंगरंग अंबर साजें । कियौ शृंगार नखसिख अंग युवती, ज्यों करनी गण राजें ।। 3 ।। बहु पूजा लै चली वृंदावन, पान फूल पकवानै । ताके यूथ मुख्य चंद्रावलि, चंद्रकलासी बानै ।। 4 ।। पोहौंची जाय निकुंज भवन में, दरसी वृंदादेवी । ताके पद बंदन करि माँग्यौ, श्यामसुंदर बर एवी ।। 5 ।। तिहिंछिन प्रभुजी आप पधारे, कोटिक मन्मथ मोहै । अंगअंग प्रति रूपरूप प्रति, उपमा रवि शशि कोहै ।। 6 ।। द्वैजुग जाम श्याम श्यामा संग, केलि बिबिध रंग कीने । उठत तरंग रंगरस उछलित, दास रसिक रस पीने ।। 7 ।।

Balises:

Krishna radha

Noter cette image:

• Créer une e-carte

Lien court vers cette page:

• Signaler du contenu illicite