❤️श्री राधा कुंजबिहारी❤️

झूलत सुरंग हिंडोरें मुकुट धरि, बैठे हैं नंदलाल । लाल काछिनी कटि पर बांधे, उर शोभित वनमाल ॥ १ ॥ वाम भाग वृषभान नंदिनी, चंचल नैन विशाल । कृष्णदास दंपति छबि निरखत, अखियां भई निहाल ॥ २ ॥ ❤️ नखशिख करि सिंगार प्रियापिय, झूलत कुंज हिंडोरे आय । मुख मिलाय दोउ दर्पण देखत, मधुर मधुर दोउ बेन बजाय ॥ १ ॥ आईं घटा घुमड चहुंदिशतें, चमकत चपला अति छबि पाय । मंदमंद घनघोर करत हें, बरखत फुही मोद मन लाय ॥ २ ॥ इन्द्रधनुष पचरंग बिराजत, बगपंगति अदभुत दरसाय । दादुर मोर चकोर कीर पिक, और पपैया पिऊ पिऊ गाय ॥ ३ ॥ तेसोई वन प्रफुलित नानाफल, फूलनसौरभ चहुंदिश छाय । रसिकदास प्रभुकों सब झुलवत, व्रजवनिता मधुरें सुर गाय ॥ ४ ॥

Etiquetas:

Krishna radha

Califica esta imagen:

• Crear una tarjeta electrónica

Enlace de acceso directo a esta página:

• Notificar sobre contenido inadecuado